लाटून केलेली ज्वारीची भाकरी
ज्यांना थापून भाकरी बनवता येत नाही त्यांच्यासाठी आज सुंदर एक पद्धत – लाटून केलेली भाकरी.
आज आपण मी बनवणार आहे लाटून केलेली भाकरी. कशी केली ते पाहूया.
कृती
इथे स्टोव्ह दाखवला, स्टोव्ह पेटवला. त्याच्यावर एक कढई ठेवली. त्या कढईमध्ये दीड वाटी पाणी टाकलं. पाणी गरम करायला ठेवलं.
त्याच्या मध्ये चवीपुरतं थोडंसं मीठ आणि दोन चमचे तेल घातलं. आता मी चांगलं विरघळून घेतलं आणि पाण्याला चांगली उकळी आणून दिली.
इथे पाण्याला चांगली उकळी आलेली दिसत आहे. आता याच्या मध्ये आपण जेवढं पाणी घेतलं होतं तेवढंच वाटी ज्वारीचं पीठ घालत आहे.
watch on YouTube video 👇👇
https://youtu.be/h8SZ9llYDP0आता याच्या मध्ये ज्वारीचे पीठ मी ॲड केलं आणि आता व्यवस्थित ते पीठ असं हलवून घेतलं. एकजीव करेपर्यंत ते हलवलं.
आता सगळं पाणी त्याला आटवून घेतलं. आटल्यानंतर त्याच्यावर झाकण ठेवलं आणि स्टोव्ह बंद केला.
आता असंच दहा मिनिटं झाकून ठेवायचं.
दहा मिनिटं झाले. दहा मिनिटांनी हे चांगलं गरम असतानाच, कोमट असतानाच मळून घ्यायचं.
आता हे थोडंसं कोमट आहे त्यामुळे आता ते मी मळून घेते. गार पाण्याचा थोडा हात लावायचा म्हणजे ते भाजत नाही.
आता हे मस्त चांगलं मळून घेतलं. त्याला थोडं तेल लावायचं. चांगलं मळलेलं गेलेलं आहे.
आता त्याचे छोटे छोटे गोळे करून घ्यायचे. गोळे केलेले झाकून ठेवायचे म्हणजे वाऱ्याने वाळणार नाहीत आणि आपल्याला व्यवस्थित लाटता येतात.
आता एक छोटा गोळा केला. तो ज्वारीच्या पिठात घोळवून घेतला. थोडंसं पीठ वर लावलं आणि आता हलक्या हाताने पोळी करतो त्या पद्धतीने हळूहळू लाटला.
किती सुंदर लाटला जात आहे. तवा पण तापवायला ठेवलेला आहे. भाकरी लाटून होईपर्यंत तवा पण चांगला तापेल.
तवा चांगला तापला की त्याच्यावर ही भाकरी टाकायची. आता तवा तापलेला आहे त्याच्यावर ही मी भाकरी भाजायला ठेवत आहे.
एक भाकरी भाजत असताना मी या ठिकाणी दुसरी भाकरी लाटत आहे.
थोड्यावेळाने तव्यावरील भाकरीची वरची बाजू कोरडी दिसायला लागली आहे. आता या भाकरीला आपण पलटू.
आता दुसरी बाजू पण अशीच भाजून घ्यायची.
आता भाकरी बनवून झालेली आहे. सगळ्या भाकऱ्या अशाच पद्धतीने बनवून घेत आहे.
हे बघा, दीड वाटीच्या पिठामध्ये मी सहा भाकऱ्या बनवलेल्या आहेत. बऱ्यापैकी छोट्या केलेल्या आहेत.
दुसरी भाकरी सुद्धा तव्यावर थोडी फुगलेली आहे.
अशाच पद्धतीने मी इथे काही भाकऱ्या बनवलेल्या आहेत. लुसलुशीत भाकरी एका हातामध्ये रुमालासारखी घडी होत आहे.
अशाप्रकारे मी लाटून एकदम मऊ आणि लुसलुशीत भाकऱ्या बनवलेल्या आहेत.
तुम्ही सुद्धा अशा पद्धतीने भाकरी बनवा आणि ही भाकरी तुम्हाला कशी वाटली ते कमेंटमध्ये मला नक्की सांगा.